ስድስት የሱዳን ወታደሮች በኢትዮጵያ መገደላቸውን የሱዳን ጦር ገለፀ

የሱዳን ጦር ለሮይተርስ የዜና አገልግሎት እንደገለፀው ስድስት ሱዳናውያን ወታደሮች በኢትዮ- ሱዳን ድንበር  አቅራቢያ በኢትዮጵያ ወታደሮች ተገድለዋል፡፡

 የሱዳን ጦር በፌስቡክ ገፁ ላይ ይፋ እንዳደረገው፤ የኢትዮጵያ መከላከያ ሰራዊት አባላትና የሚሊሻዎች ጥምር አወዛጋቢ በሆነው የአል ፋሻጋ አል ሱግራ በተባለ ቦታ ላይ ስድስት ሱዳናውያን ወታደሮቹ ተገድለዋል፡፡

ጦሩ ‹‹ኃይላችን በወሰደው አጻፋዊ እርምጃ በአጥቂዎች ላይ ከባድ የሰውና የቁስ ኪሳራ አስከትሏል፡፡›› ሲል ገልጿል፡፡

 

የሱዳን ጦር ይህን ይበል እንጂ አደረስኩኝ ባላው አጻፋዊ ጥቃት ስላደረሰው ጉዳት በዝርዝር የገለፀው ነገር የለም፡፡

 

ጉዳዩን በተመለከተ በኢትዮጵያ መንግሥት በኩል የተባለ ነገር የለም፡፡

 

የመንግሥት ኮሙዩኒኬሽን አገልግሎት ሚኒስትር ለገሰ ቱሉ ስለ ጉዳዩ ጥያቄ ቢቀርብላቸውም ምላሽ አልሰጡም፡፡

 

በኢትዮጵያና ሱዳን መካከል ያለው የሻከረ ግንኙነት እየሰፋ መጥቷል፡፡

ሱዳን በአብዬ ግዛት በሰላም ማስከበር ስራ ላይ የነበረው የኢትዮጵያ ሰራዊት ግዛቷን ለቅቆ እንዲወጣ በጠየቀቺው መሰረት ሰላም የኢትዮጵያ አስከባሪ ሰራዊት ከሱዳን መውጣቱ ይታወሳል፡፡

 

በተጨማሪም ሃገሪቱ በኢትዮጵያ የሚገኙት አምባሳደሯን እንደጠራችና ዜጎቷም ከኢትዮጵያ እንዲወጡ ማዘዟ አይዘነጋም፡፡