ዶ/ር ይልቃል ከፋለ የአማራ ክልል ርእሰ መስተዳድር ሆነው ተሸሙ

የክልሉ ምከር ቤት አዲስ አፈ ጉባዔ እና ምክትል አፈ ጉባዔም ሰይሟል። 

የአማራ ብሄራዊ ክልላዊ መንግሥት መስረታ በዛሬው እለት እየተካሄደ ይገኛል። 

ምክር ቤቱ ወ/ሮ ፋንቱ ተስፋዬ አለሙ የአማራ ክልል ምክር ቤት ዋና አፈ ጉባኤ፣ አቶ አማረ ሰጤ ምክትል አፈ ጉባዔ አድርጎ ሾሟል። 

በተጨማሪም የአማራ ክልል ምክር ቤት ዶ/ር ይልቃል ከፋለን የክልሉ ርእሰ መስተዳድር አድርጎ ሾሟል። 

ዶ/ር ይልቃል ከፋለ በተለያዩ ትምህርት ኮሌጆች በመምህርነት፣ ዲን በመሆንና በደብረማርቆስ ዩኒቨርሲቲ ምክትል ፕሬዝዳንትና ፕሬዝዳንት በመሆን ውጤታማ ኃላፊነትን የተወጡ አመራር መሆናቸው ተገልጿል።